Nakikiisa si Pangulong Ferdinand “Bongbong” Marcos Jr. sa mga Katolikong Pilipino sa taunang pagdiriwang ng Feast of the Black Nazarene o Traslacion.
Sa kanyang mensahe, binigyang-diin ng Pangulo ang kahalagahan ng pananampalataya, sakripisyo, at pagkakaisa sa gitna ng hamon ng pang-araw-araw na buhay.
Ayon sa Pangulo, “Every year, the procession of the Nazareno reminds us that Filipino faith walks barefoot on hot pavement, squeezes through crowded streets, and bears upon its shoulders the daily worries of our countrymen striving for a more certain tomorrow.”
Pinuri ni Pangulo Marcos ang dedikasyon at pagtitiyaga ng mga deboto, na nagpapakita ng panata, diwa ng pamayanan, at matibay na pagkakaisa, na nagpapanatili sa maraming pamilya at komunidad na patuloy na ipagtanggol ang kanilang dangal at tiyakin ang kanilang kinabukasan.
Binigyang-diin din niya ang aral mula sa imahe ng Nazareno: “The image of the Lord stumbling under the weight of the cross speaks to a people who know how it is to be tired, yet still choose to rise and move forward together.”
Hinimok ng Pangulo ang bawat Pilipino na hindi lamang maabot ang imahe ng Nazareno kundi hayaan ding maging gabay ang debosyon sa pamumuhay, paggawa, at pagtulong sa kapwa: “If we can go through great lengths for a moment of contact with the image, we can also persevere in the daily work of choosing honesty over falsehood, service over self-interest, and compassion over indifference.”
Giit ni Pangulong Marcos, ang pagdiriwang ay dapat magpatibay sa sama-samang panata ng mga Pilipino na buhatin ang pasanin ng kapwa, maging patas sa pagbabahagi ng oportunidad, at panatilihing buhay ang pag-asa sa araw-araw na pagpapasya, tungo sa mas makatao at tapat na Bagong Pilipinas.
