Nagpahayag ng suporta ang Archdiocese ng Jaro sa pagsisimula ng COVID-19 vaccine rollout sa probinsya ng Iloilo.
Hinikayat ni Archbishop Jose Romeo Lazo ng Jaro ang mga Ilonggo na magpabakuna bilang bahagi ng kanilang tungkulin at pananagutan sa bawat isa.
Tiwala si Archbishop Lazo na sa kabila ng mga agam-agam ay maliliwanagan ang bawat isa sa kahalagahan ng pagpapabakuna.
Tiniyak ng arsobispo ang kahandaan ng Arkidiyosesis ng Jaro na makipagtulungan sa lokal na pamahalaan upang makumbinsi ang mga may alinlangan na magpabakuna.
“Everyone has the duty to follow his or her conscience but we are likewise reminding ourselves that coupled to this is our duty to inform ourselves of the truth,” ayon kay Archbishop Lazo.
“We recommend responsible vaccination for the common good,” dagdag niya.
“Our Archdiocesan Commission on Health is open to assist you in clarifying certain doubts and anxieties that you may have,” aniya sa isang liham sirkular.
Nagsimula ang COVID-19 vaccine rollout sa probinsya ng Iloilo noong Marso 8 nang dumating ang Sinovac vaccines sa probinsya.
