HomeDiocesan ReportsPagmimina, dahilan ng matinding pagbaha sa Palawan, ayon sa obispo

Pagmimina, dahilan ng matinding pagbaha sa Palawan, ayon sa obispo

“Ang kagubatan ay masasakripisyo na naman ng pagmimina," ayon kay Bishop Mesiona ng Puerto Princesa

Nagpahayag ng pagkabahala ang obispo ng Puerto Princesa sa Palawan sa planong muling ipagpatuloy ang pagmimina sa bayan ng Brooke’s Point sa nasabing isla.

Ayon kay Bishop Socrates Mesiona ang pagmimina ang dahilan kung bakit ang Palawan ngayon ay madalas nang binabaha at lubos nang naaapektuhan ng iba’t ibang kalamidad.

“Ang kagubatan ay masasakripisyo na naman ng pagmimina,” ayon sa obispo.



“Marami na namang mga puno ang puputulin at bundok na papatagin at alam naman po natin ang epekto nito sa atin,” sabi ni Bishop Mesiona.

Aniya, maliban sa mga likas na yaman, apektado rin ng pagmimina ang mga katutubo na sapilitang pinapaalis sa kanilang mga lupang ninuno para maisakatuparan ang proyekto.

“May mga katutubo na namang maisasantabi at madi-dislocate dahil marami sa kanila ang nakatira sa kabundukan,” ayon sa obispo.

Nauna nang sinabi ng mga katutubo sa Brooke’s Point na hindi sila nagbigay pahintulot sa anumang pagmimina sa kanilang lugar.

- Newsletter -

Panawagan naman ni Bishop Mesiona sa mga kinauukulan na isaalang-alang ang magiging epekto ng mga binabalak na proyekto bago ito tuluyang ipatupad.

Nakasaad sa Laudato Si ni Pope Francis na mahalaga ang pagiging mapagmatyag ng komunidad upang matiyak na wasto at may moral na pamantayan ang pamahalaan sa pagpapatupad ng mga batas na nangangalaga sa kalikasan.

© Copyright LiCAS.news. All rights reserved. Republication of this article without express permission from LiCAS.news is strictly prohibited. For republication rights, please contact us at: [email protected]

Support LiCAS.news

We work tirelessly each day to tell the stories of those living on the fringe of society in Asia and how the Church in all its forms - be it lay, religious or priests - carries out its mission to support those in need, the neglected and the voiceless.
We need your help to continue our work each day. Make a difference and donate today.

Latest

Taking up our Cross

Pabaon sa paglisan

Chrism Mass

When priests cry