HomeDiocesan ReportsAid to the Church in Need, nakikiisa sa ‘prayer for peace’ para...

Aid to the Church in Need, nakikiisa sa ‘prayer for peace’ para sa Myanmar

Nakiisa ang Aid to the Church in Need sa pananalangin ng buong Simbahang Katolika sa Pilipinas para sa kapayapaan sa Myanmar

Nagpahayag ng pakikiisa ang pontifical foundation na Aid to the Church in Need (ACN) sa pananalangin ng buong Simbahang Katolika sa Pilipinas para sa kapayapaan sa Myanmar.

“Ang pagkakaisa natin bilang mga Kristiyano na naghahangad ng pagkakaunawaan, pagtanggap at kapayapaan ay mabisang sandata upang tuluyang mawakasan ang hidwaan,” ayon kay Jonathan Luciano, national director ng ACN sa Pilipinas.

Aniya ang hidwaan ay nagdudulot ng hirap, pasakit at takot sa marami, lalo na sa mga lugar kung saan tinutuligsa at pinahihirapan ang mga Kristiyano.




Sa panayam sa Radio Veritas 846, sinabi ni Luciano na higit na mabisa ang sama-samang pananalangin ng mga Kristiyano.

“Dumalangin tayo sa Diyos ng kapayapaan at pag-ibig na sana ay pakinggan Niya ang ating pangalangin para sa isang mundong pinaghaharian ng pag-ibig at pagkakaunawaan,” dagdag ni Luciano.

Nagpahayan kamakailan ang Catholic Bishops’ Conference of the Philippines ng pakikiisa ng Simbahan sa Pilipinas sa pananalangin para sa kapayapaan ng Myanmar.

Umapela si Archbishop Romulo Valles ng Davao, presidente ng CBCP, sa lahat ng mga diyosesis at arkidiyosesis na mag-alay ng panalangin para sa Myanmar.

- Newsletter -

Nanawagan nitong nakalipas na linggo si Cardinal Charles Maung Bo ng Yangon ng pakikiisa at pananalangin matapos atakihin ng militar ang isang Simbahan sa Myanmar.

Tinatayang umaabot na sa mahigit 820 ang nasawi dulot ng patuloy na nagaganap na kaguluhan at karahasan sa Myanmar.

© Copyright LiCAS.news. All rights reserved. Republication of this article without express permission from LiCAS.news is strictly prohibited. For republication rights, please contact us at: [email protected]

Support LiCAS.news

We work tirelessly each day to tell the stories of those living on the fringe of society in Asia and how the Church in all its forms - be it lay, religious or priests - carries out its mission to support those in need, the neglected and the voiceless.
We need your help to continue our work each day. Make a difference and donate today.

Latest