HomeDiocesan Reports'Baptismal catechism,' bibigyang tuon ng Archdiocese of Manila

‘Baptismal catechism,’ bibigyang tuon ng Archdiocese of Manila

Ayon kay Bishop Broderick Pabillo, apostolic administrator ng Maynila, ang "baptismal catechism" ay ang pagtatalakay at pagbibigay ng tuon sa binyag

Bilang bahagi ng paghahanda sa ika-500 taon ng pagdating ng Kristiyanismo sa Pilipinas at pag-alaala sa ginanap na unang binyag sa bansa, inilaan ng Archdiocese of Manila ang limang linggo ng Kwaresma sa pagbibigay ng tuon sa kahalagayan ng binyag.

Ayon kay Bishop Broderick Pabillo, apostolic administrator ng Maynila, ang “baptismal catechism” ay ang pagtatalakay at pagbibigay ng tuon sa binyag.

“Tuwing linggo ng Kwaresma, isang element ng binyag ang ating binibigyang halaga. Tulad last Sunday, binigyang halaga natin ang ‘baptismal promises o baptismal commitment,’” ayon sa obispo.

“Ngayong linggo, ang bibigyan natin ng halaga ay yung ‘puting damit’ na isusuot sa atin, Transfiguration of the Lord,” aniya.




Ayon kay Bishop Pabillo, ang kapangyarihan ng binyag ay hindi lamang pag-aalis ng original sin kundi ang pagiging anak ng Diyos.

“Pero ang mas mahalaga tayo ay naging anak ng Diyos at tayo ay naging bahagi ng Simbahan kaya tayo ay nagtutulungan kasi tayo ay mga binyagan,” ayon pa sa obispo.

Sa ika-14 ng Abril ay muling gugunitain ng iba’t-ibang Simbahan ang naganap na unang binyag sa Pilipinas kung saan may 500-sanggol ang bibinyagan sa ilang parokya kabilang na sa Archdiocese of Cebu, ang itinuturing na sentro ng pananampalatayang Katoliko.

- Newsletter -

Una na ring pinalawig ng Catholic Bishops’ Conference of the Philippines ang isang taon na pagdiriwang ng “500 years of Christianity” hanggang 2022 dahil na rin sa pandemya.

© Copyright LiCAS.news. All rights reserved. Republication of this article without express permission from LiCAS.news is strictly prohibited. For republication rights, please contact us at: [email protected]

Support LiCAS.news

We work tirelessly each day to tell the stories of those living on the fringe of society in Asia and how the Church in all its forms - be it lay, religious or priests - carries out its mission to support those in need, the neglected and the voiceless.
We need your help to continue our work each day. Make a difference and donate today.

Latest

Pabaon sa paglisan

Chrism Mass

When priests cry